S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

javascript | proqramlama

döyüş bayrağı ★ wiki | tarix

tarixi hərbi ənənələrə və hərbi nizamnaməyə əsasən, dinc şəraitdə şəxsi heyətin yerləşdiyi hərbi hissədə, müharibə zamanı isə alayın, briqadanın və ya diviziyanın özü ilə birgə döyüş əməliyyatları apardığı bölgədə olmalı və qorumalı olduğu əsgərin şərəf, şücaət, şöhrət, sədaqət və ləyaqət rəmzi.

orduda döyüş bayrağı, emblemi və ya ştandartı istifadə etmə ənənəsinin tarixi bəzi mənbələrə əsasən dəmir dövrünə, asiyaya - çinə və hindistana qədər, bəzi mənbələrə görə isə 5000 il əvvələ qədim misirə qədər uzanır. etibarlı mənbələrdən bilinənlərə əsasən isə əhəmənilər dövlətinin, roma imperiyasının və sarmatların ordu qruplaşmalarının hər birinin özlərinə məxsus hərbi ştandartı mövcud olmuşdur. sarmatlar əjdaha ştandartı, roma legionları isə aquila adlandırılan metaldan hazırlanmış qartal ştandartı və ya aquiladan daha az əhəmiyyətə malik, əsasən legionu təşkil edən bölmələri təmsil edən, parçadan hazırlanan vexilla adlanan bayraqdan istifadə edib.



adətən avropada fransız inqilabına qədərki dövr ərzində döyüş bayrağı olaraq üzərində xaç olan bayraqlar istifadə olunsa da, ilk dəfə fransa ölkənin dövlət bayrağını döyüş bayrağı olaraq istifadə etmişdir. hətta, napoleon bonaparte roma imperiyasının hərbi ənənələrindən təsirlənərək bayraq dirəyinin üzərinə dəmir qartal embleminin də əlavə olmasını tapşırmışdı * baxmayaraq ki, bu sonradan ləğv edildi . aşağıda, fransız rəssamı jacques-louis davidin çəkdiyi rəsm 5 dekabr 1804-də napoleonun olduqca emosional, alovlu bir nitq ilə çıxış edərək, döyüş bayraqlarını və imperial qartalları qoşunların öz canı bahasına qorumalı olduğunu bildirdiyi tacqoyma mərasimi zamanı imperial qartalların ordu birləşmələrinə paylanmağını və əsgərlərin imperatora etdiyi and mərasimini əks etdirir.



müxtəlif dövlətlərə məxsus döyüş bayraqları ya kvadrat ya da düzbucaq şəkilli ipəkdən hazırlanmış parçadan, 3 tərəfini əhatə edən qızılı rəngli saçaqlardan, bayraq dirəyindən və qotazlı qaytanlardan ibarət olur. bayrağın üzərində isə hər bir dövlətin döyüş bayrağı haqqında nizamnaməsində yazılmış qanunlara əsasən, bir çox hallarda ölkənin və bayrağın məxsus olduğu hərbi birləşmənin adı qeyd olunur. həmçinin, bəzi dövlətlərdən asılı olaraq, bayrağın üzərinə hərbi birləşmənin müvəffəqiyyət qazandığı döyüşlərin adı və birləşmənin layiq görüldüyü ordenlər və medallar da sancıla bilər. aşağıdakı şəkildə, fransa 22-ci dəniz piyada alayına məxsus döyüş bayrağını görə bilərsiniz. bayrağın ön tərəfinə ölkənin və birləşmənin adı, arxa tərəfinə isə "HONNEUR ET PATRIE" (şərəf və vətən) və alayın müvəffəqiyyət qazandığı döyüşlərin adları və tarixləri yazılıb.



azərbaycanda isə bayrağın ön tərəfində "azərbaycan uğrunda" yazısı, arxa tərəfinə isə hərbi hissənin adı qeyd olunur.



tarixdə bəzi maraqlı hallar mövcuddur ki, roma ordusunda olduğu kimi ordular və ya hərbi birləşmələr bayraq əvəzinə başqa obyektlərdən istifadə edib. məsələn, osmanlıda bektaşilikdən və oğuz türklərindən gələn adətlərə əsasən, yeniçərilər üçün bu onlara qardaşlıq, müqəddəslik və sultana verdikləri vəd simvolu olan qazan (kazan-ı şerif) olub. hər bir yeniçəri ocağının özünə məxsus simvolik bir qazanı mövcud olmuşdur və döyüşlər zamanı bu qazan da döyüş meydanına aparılmış və ordunun yerləşdiyi düşərgədə, çadırların önündə hər kəsin gördüyü bir yerdə yerləşdirilmişdir. bəzi hərbi mərasimlər zamanı yeniçərilər sultana öz narazılığını və ya üsyan edəcəklərini bildirmək üçün simvolik olaraq qazanı tərsinə çevirirdilər. hal-hazırda da türkiyədə istifadə olunan "kazan kaldırmak" deyiminin əsası buna əsalanır. həmçinin, böyük britaniya kral artilleriya alayları üçün döyüş bayraqlarını döyüş meydanına aparmaq çətinlik törətdiyi üçün, toplar döyüş bayrağı statusuna malikdir və bu alaylarda döyüş bayrağı istifadə olunmur. bu səbəbdən də hər hansı bir topun düşmən əlinə keçməsi həmin alay üçün çox böyük utanc mənbəyi və təhqir hesab olunur.



döyüş bayrağı hərbi birləşməyə dövlət başçısı tərəfindən və ya ordunun yüksək rütbəli zabitləri tərəfindən verilir. köhnəlmiş bayraqlar adətən muzeydə sərgilənir və yenisi ilə əvəz olunur. bəzi ölkələrin qanunlarına əsasən döyüş bayrağının düşmən əlinə keçəcəyini görən zabit və ya əsgər bayrağı dərhal məhv etməlidir. hərbi paradlar zamanı döyüş bayraqları birləşmənin ən önündə olmaq şərtilə sərgilənir. parad bitdikdən sonra isə bayraq xüsusi qoruyucu örtüyün daxilində hərbi hissədə saxlanılmalı və başında qarovul çəkilməlidir. aşağıdakı şəkillərdə azərbaycandakı hərbi hissələrdən birində döyüş bayrağı başında keşik çəkən əsgəri və böyük britaniyada hərbi parad zamanı nümayiş olunan döyüş bayrağını görə bilərsiniz.




tarixən döyüş bayrağının oğurlanması, itirilməsi, zədələnməsi və ya təhqiredici hərəkətin törədilməsi həmin alay, briqada və ya diviziya üçün olduqca utancverici hadisə olsa da, onu ələ keçirən düşmən üçün isə böyük qürur mənbəyi hesab edilir. məsələn, qədim romada aquilanı itirən legion onu mütləq tapıb, geri qaytarmalı idi. eramızdan əvvəl 9-cu əsrdə battle of the teutoburg forestdə arminusun rəhbərlik etdiyi german tayfalarının ittifaqına məğlub olan 17, 18, 19-cu roma legionlarının düşmən əlinə keçən aquilaları döyüşdən on illiklər sonra - bizim eranın 15, 16 və 41-ci illərində tapılıb, geri qaytarılmışdır. həmçinin, eramızdan əvvəl 53-cü ildə crassusun rəhbərlik etdiyi roma qoşunları parfiya dövlətinə məğlub olduqdan sonra düşmən əlinə keçən bir neçə aquila 33 il sonra geri qaytarılmışdır. azərbaycanda silahlı qüvvələrin döyüş bayrağı haqqında əsasnaməsinə əsasən, döyüş Bayrağı itirildikdə hərbi hissənin komandiri və bu rüsvayçılığa bilavasitə müqəssir olan hərbi qulluqçular məhkəməyə verilməli, hərbi hissə isə ləğv edilməlidir. aşağıdakı şəkildə ingilis dəniz piyadaları tərəfindən ələ keçirilmiş üçüncü rayxa məxsus döyüş bayrağını görə bilərsiniz.



sonda isə qısaca tarixin ən ikonik döyüş bayrağı haqqında məlumat vermək istəyirəm. aşağıda gördüyünüz hansı ki, ssri-də qələbə bayrağı (Знамя Победы) adlanan döyüş bayrağı 1945-ci il mayın 1-də 150-ci atıcı diviziyanın 3 əsgəri meliton kantaria, mixail yegorov, alekey beret tərəfindən berlində reichstag binasının üzərinə sancılmış və de-fakto olaraq ikinci dünya müharibəsinin şərq cəbhəsində bitməsini simvolizə etmişdir. bayrağın üzərində rusca kiril əlifbası ilə "150.Tüfəng, II.Кutuzov sinfi, İdrissa bölüyü, 79.Tüfəng Korpusu, 3.Zərbə Ordusu 1.Belarus Cəbhəsi" sözləri yazılmışdır. 3-cü Desant Ordusunun qoşun komandanı, general-polkovnik kuznetsovun baş qərargaha verdiyi hesabatda qeyd olunur ki, təxminən 20 aprel 1945-ci ildə:

"Sovet ittifaqının 1-ci Belarus Cəbhəsinin Marşal komandiri yoldaş Jukov əmr verdi ki, 3-cü desant ordusunun qoşunları sürətlə Berlinə daxil olsun, orada "zəfər bayrağı"nı Reyxstaq binasının üzərinə yerləşdirsin.

1945-ci il aprelin 30-da, saat 14:25-də Siyanov qrupunun üstün döyüşçüləri dama çıxıb, günbəzə çatdılar. Cəsur döyüşçülər — kommunist leytenant Berest, komsomol Üzvü Əsgər Yeqorov və heç bir partiyanın üzvü olmayan kiçik karpal Kantariya Böyük qələbənin rəmzi olan Sovet İttifaqının məğrur bayrağı Almaniya Parlamenti binasının üzərinə asıldı.

Yanmış və güllələrlə deşilmiş bayraq məğlub olmuş Berlinin üzərində qalibiyyətlə dalğalanırdı."




qələbə bayrağı 1945-ci ildən etibarən moskvada keçirilən bütün qələbə paradlarında sərgilənmişdir. 2005-ci ildən etibarən isə moskvada keçirilən hərbi paradlarda, mərasim başlamazdan öncə xüsusi olaraq, aleksandr alekandrovun " müqəddəs müharibə" (Священная Война) hərbi marşının sədaları altında qırmızı meydanda rusiya dövlət bayrağı ilə birgə meydandan keçir.



mənbə.
https://en.wikipedia.org/wiki/Military_colours,_standards_and_guidons
https://en.wikipedia.org/wiki/War_flag
http://e-qanun.az/framework/4907
https://en.wikipedia.org/wiki/Victory_Banner
https://en.wikipedia.org/wiki/Vexillum
https://en.wikipedia.org/wiki/Aquila_Roman
https://en.wikipedia.org/wiki/Reichskriegsflagge
https://en.wikipedia.org/wiki/French_Imperial_Eagle)
link1